A nosa historia

Máis que unha marca.

Nacemos co obxectivo de levar o acceso á Internet ás zonas rurais con carencias de telecomunicacións na comarca de Barbanza.

Tras máis de 20 anos de traballo en diversas redes WISP e como socios fundadores de iniciativas comunitarias de éxito, coma Rianxo sen Cabos, decidimos dar o salto ao mundo das Fibras, Wimax e Telefonía dun xeito profesional baixo o selo de calidade que hoxe representamos.

Ademais de ofrecer acceso á Internet e telefonía, traballamos de xeito continuo para achegarte novos servizos que che axuden a facer a vida máis doada, sempre mantendo un trato próximo, local e de confianza. Buscamos establecer relacións de éxito a longo prazo contigo.

Somos moito máis ca unha simple marca, somos o teu socio na conectividade e estamos aquí para ofrecerche un servizo excepcional.

Estés onde estés, traballamos para ti.

A nosa filosofía é a dun operador local que nunca te abandona, fuxindo do trato impersoal dos grandes operadores nacionais. Ti desfruta, nós poñemos a conexión.

Por que elixir Akifibra?

• ✓ Atención directa: Axudámosche desde as nosas tendas físicas, cara a cara.
• ✓ Soporte á túa vivenda: Se tes un problema, imos á túa casa a resolvelo. Non te deixamos só co router.
• ✓ Prezos sen sorpresas: Tarifas claras, sen letras pequenas e con todo incluído.
• ✓ Sen quedar incomunicado: O único operador que, se tes unha avaría particular na túa vivenda, non mira o custo; imos en 24 horas e facilitamos un router 4G de emerxencia. Non tes por que quedar incomunicado á espera de que chegue un técnico.